السلام عليكم
كل سنه وانتوا طيبين
الموضوع عن المايونيز وفوايده للشعر بيدى للشعر لمعه ونعومه
وفى ناس بيخلى شعرهم طرى عن الاول
بس فى ناس قالوا انهم لما استخدموه لوحده فتره نشف لهم شعرهم شويه
علشان نبقى واضحين من الاول
انا بدئت ب العيب الوحيد اللى مش كل الناس اجمعوا عليه
انا عن نفسى محصلش معايا كده بس حبيت اقول قبل مانبدأ نشكر
بصى ياقمرايه انتى وهى احلى وصفه جربتها للمايونيز
هى تجيبى شويه سمسم طبعا كلنا عارفينه حوالى فنجان كده
وبعدين حمصيه فى طاسه وبعدين اطحنيه لغايه مايبقى زى البودره كده
تمام لغايه دلوقتى
هاتى بقى علبه زبادى من بتوع السحور
ومعلقتين مايونيز اللى عماليين ناكل منه ده ونتخن
واهو يخلص من المطبخ اسرع ونبقى ضربنا كل العصافير
بحجر واحد منعنا حاجه بتزود الوزن وخلينا شعرنا احلى
واخلطيهم على بعض كلهم
وبعد ماتغسلى شعرك حطى الخلطه دى على شعرك وبعدين بونيه الحمام
ومررى عليه السشوار من بعيد شويه علشان السخونه تأثر عليه
بس اوعى تقربى السشوار من شعرك على طول لالالا فوق البونيه
تمام كده ولما يجى الشتا ممكن تعمليها وتحطى راسك قريبه من الدفايه
او مثلا تتحركى وتشتغلى فى البيت وانتى حطاه على شعرك
بس ياجميل خلاص كده اشطفى شعرك بعد ساعتين او تلاته مثلا
لو مابتزهقيش يعنى يكون احسن تسبيه اكتر
مره فى الاسبوع كويس
فى وصفات تانيه كتيرررر للمايونيز
زى مثلا ممكن اضافه زبادى بس
او بلسم بس
او حمام كريم
او زبادى وعسل وبلسم وزيت زيتون 3 معالق من كل حاجه منهم
او بيض وعسل وزبادى
السبت أغسطس 28, 2010 8:40 pm