وغسول الوش بالسدر اللى فعلا هو السحر مستوحى من ساره كل اللى يدخل يدعيلها :))

بسم الله الرحمن الرحيم
السلام عليكم ورحته الله وبركاته


فعلا الموضوع دا مستوحى من عضوه اسمها ساره 888 هى بتاعت موضوع تجربتى مع السدر ولا السحر
انا قريت عنه فى النت كتير اوى بعد موضوعها وعرفت انه مطهر قوى جدا بنستخدمه للجسم وللشعر بعد الدوره الشهريه عشان يطهر جسمنا
ومن هنا عملت الوصفه دى
لان فوايده كتير جدا
منها يوحد لون الجسم
مطهر للجسم
وينعمه ويجلعه بيلمع
انا تجربتى معاه بقالها4 ايام بجد حاسه بتغير فى وشى وفى جسمى
الوصفه بقى عشان انا عارفه انى رغايه
نجيب ورق السدر من العطار ونحطه فى ازازه شامبو كبيره وعليه ميه وشويه شاور صغيريين جدا ونسيبه يتنقع يوم بليله
وبعدين نحط منه على اليفه الاسفنجيه وندعك بيه جسمنا
وبالنسبه للوش فهو رائع بجد كل يوم الصبح تغسلى بيه وشك عادى جدا مش هيرغى اوى بس هتحسى انه طهر وشك ونوره
يا ريت كله يجرب ومش طالبه منكم الا الدعاء لساره اللى انا مستوحيه منها الموضوع بانها تقوم بالسلامه وتجيب بيبى قمر زيها باذن الله
ومتنسونيش بقى فى دعاءكوا
واى استفسار اتفضلوا وانا اجاوب عليه واللى تجرب تقول فرق معاها فى ايه

سلام