كلنا طبعا بنعانى من نفس المشكله لاسباب عديده
و معظمناعنده نفس المشكله دى وهيا ازاى تفتح المنطقه
وممكن نجيب فى كريمات ونخترع اختراعات وكلها فاشله يا اما بتاخد وقت وبرضه مش بتجيب غير نتيجه بسيطه اوى
طب والحل ايه ؟؟؟
تخيلو ان الحل بسيط وسهل ومش مكلف وموجود بين ادينا بس مش عارفين نستخدمه
المهم مش هاطول عليكم
طبعا كلنا سمعنا عن ملح الحليب وفوايده فى تفتيح البشره وكلنا مقتنعين اقتناع تام انه بعد تلات اربع مرات من استخدامه بنحس بفرق فظيع فى البياض والنعومه
وفى ناس كتير استخدموه وكلهم اجمعو على نفس النتيجه
بس المشكله بقى اننا مش عارفين ازاى نستخدمه صح لتفتيح المنطقه دى
طب انا هاقولكم على طريقه هاتشوفى فيها فرق اللون ومن اول مره بس بشرط تدعولى
ركزووووووووووووووووووووووووو
اول حاجه طبعا هاتنضفى المنطقه كويس جدا ومش هاقولك اعملى سويت او براون لا على الاقل يكون الشعر فى المنطقه قصير جدااااااااااا
تانى حاجه بعد ما تاخدى الدش بتاعك مش هاتنشفى المنطقه دى هاتخليها رطبه يعنى
وهاتجيبى ملح الحليب باى نوع تختاريه
وتحطيه على المنطقه وتحطى كيس نايلون صغير خالص بحيث المنطقه كلها تكون عليها الملح ومتغطيه
(يعنى هاتحطى الكيس عادى زى ما بتحطى الفوط الصحيه للبيريود)
وتلبسى الاندر وتخرجى عادى جدا
وتسيبيها حوالى نص ساعه ايوه نص ساااااااااااااااااااااعه او ساعه الا ربع يعنى تحسى ان المنطقه بدات تعرق
وبعد ما يعدى الوقت تروحى تشطفى المنطقه وتنشفى وشوفى النتيجه بعينك
مش هاتصدقى اللى انتى شيفاه حقيقى حقيقى بجد واللهى العظيم اول درجه من التفتيح للون باااااااااااااااااااااانت يا جدعان
هاتحسى انك انجزتى بجد فى فتره قليله وفى زمن قياسى
وافضلى كل مره تاخدى فيها شاور اعملى كده لحد ما توصلى للون المطلوب وخلاص
انتهت كل الحكايه
نصايح هامه :
* حافظى دايما على ارتداء اندر يكون من القطن وابتعدى عن الاندر النايلون
* دايما جففى المنطقه دى بعد الغسيل كويس عشان الميه هيا السبب الرئيسى للاسمرار مع الكتمه
* حاولى دايما تحطى فوطه قطن مربعه حتى فى الايام العاديه عشان تبقى متاكده من الجفاف التام للمنطقه دى
شوفتو بقى الحل كان بين ادينا وسهل واحنا مش حاسين ازاى
ارجو لكل اللى تعمل كده وتشوف النتيجه امام عنيها تدعيلى
ربنا يسهلى امور جوازى
واسفه طولت عليكم
وبالتوفيق
الأحد أغسطس 29, 2010 3:12 am