السلام عليكم ورحمة الله وبركاته
طبعا فى مننا ميعرفش ايه الدلكة السودانى دى حاجة كده زى الحمام المغربى بس ايه تحفة تنضيف وتلميع وريحة للجسم فظيعة وبتتعمل فى مراكز التجميل وبتكون مكلفة
احنا بقا ممكن نعملها فى البيت ونضرب عصفورين بحجر
اولا:نرضى ربنا لان حرام جسمنا ينكشف على حد
ثانيا:نرضى جيوبنا لان التكلفة هتكون اقل بمراحل طبعا
المهم مش هطول عليكم
المكونات:
فنجان ترمس مطحون
فنجان حمص مطحون
4 ليمونات
6 ملاعق نشا
3 ملاعق مسك مطحون
فنجان ردة
نصف فنجان عسل نحل
نخلط المكونات الجافة الى هى الترمس والحمص والمسك والرضة ونعصر عليهم الليمون ثم نضيف العسل ونقلبهم كويس وبعدين نعجنهم بماء ورد لحد ما يبقوا عجينة ونحطهم على النار الهادية لحد ما يبقوا دافيين علشان البرد
ثم ندهن الجسم كله كله طبعا فاهمين
ونتركه ينشف خالص وبعدين نفرك الجسم بقوة بسيطة ونضغط مع الفرك بعد ما نشيله بالفرك ندهن الجسم زيت زيتون او بيبى اويل جونسون بيكون ريحتة حلوة
لمدة ساعتين بعديهم اغسلى جسمك واتفرجى
مش هتصدقى نفسك لمعان ونعومة ولون واااااو
ياريت تبقوا تدعولى
الأحد أغسطس 29, 2010 5:21 am