بسم الله الرحمن الرحيم
السلام عليكم ورحمة الله وبركاته
ازيكم يا احلى بنات يارب كلكم تكونوا بخير وبصحة وسلامة دايما
وربنا يتقبل صيامنا وقيامنا جميعا
اولا انا بحبكم فى الله جدا وبتمنى لكم الخير والله من قلبى
ولما فكرت انى اعمل الموضوع ده اللى هتكلم فى تفاصيله معاكم كمان شوية والله ما كانش علشان ازود رصيدى من المواضيع انما والله علشان حسيت انه هيفيدنا كلنا لان كل واحدة فينا هتلاقى فيها حاجة من الموضوع
وكمان علشان كلنا نحمس بعض ونرتقى باخلاقنا وبصفاتنا ونكون ناس مسلمة بمعنى الكلمة ونقدر نتعايش مع الحياة فى الظروف دى اللى احنا شيفنها ادام عنينا
ويعلم ربنا ان الموضوع ده مش منقول منه حرف ولاحتى الفكرة اساسا فهى فكرتى اللى انتم ان شاء الله هتنجحوها بفضل الله
نبدأ بقا بمشيئة الله نتكلم عن الموضوع
طبعا واضح من العنوان ان الموضوع عبارة عن حملة تهدف هذه الحملة الى:
معالجة الامراض التى تدمر النفس البشرية (سيتم مناقشة الامراض وسردها لاحقا)
الارتقاء بالنفس البشرية لكى نستطيع التعايش مع واقعنا
ان نثبت للناس جميعا اننا مسلمون حقا باخلاقنا وتعاملاتنا
ودى اهداف الحملة المبدائية والاولية
الحملة اللى انا عملاها هناقش بيها بفضل الله ثم مساعدتكم كل الامراض التى تحول دون ان نبقا مسلمين معظمها امراض مستعصية سيأخذ علاجها وقتا وبعضها امراض سيتم القضاء عليها فى الحال بفضل الله وهذه الامراض هى:
الكبر
الحقد
القلق
الغضب
نكران الجميل
الحسد
الكراهيية
الكذب
النفاق
وغيرها الكثير من الامراض
وبصراحة ان حاسة ان كتير منا فيه على الاقل مرض من دول
المهم احنا بفضل لله هنتكلم عن كل مرض اسبابه مظاهره مواقف من حياتنا ومعالجة هذا المرض وهيتم مناقشة كل مرض فى خلال يومين نتكلم عنه فى كل حاجة بس مش معنى كدة انه بعض ماينتهى اليومين ان احنا هنقفل باب المناقشة فى المرض ده ونتكلم فى مرض تانى لا احنا بالاضافة للمرض الجديد هنسيب الباب مفتوح ايضا للامراض اللى تمت مناقشتها لعل وعسى حد يحب يتكلم فيه تانى
وبجانب طبعا الكلام احنا كمان ممكن نجيب فيديوهات فى ردودنا عن بعض العلماء او الشيوخ اللى اتكلموا فى المرض ده
وحاجات كتير من دى
بس اتمنى بجد المشاركة فى الفكرة لانها مش هتنجح غير بيكم
وانا مارديتش اكتب الموضوع غير فى القسم ده علشان هيكون ان شاء الله فى مناقشات كتير مابينا وهنحط فيه كل افكارنا للتخلص من الامراض دى
وانا بجهز ان شاء الله توقيع صغير مكتوب عليه اسم الحملة علشان كلنا نحطه فى توقيعنا علشان الموضوع يكبر ونلاقى فيه مشاركات واراء كثيرة
انا عايزة كل اللى تدخل الموضوع تقولى هى مؤيدة للفكرة ولا لا وكمان معانا ولا لا
واللى مش عايزة ترد ممكن تدعى لنا وممكن طلب كمان
انكم تقيموا الموضوع بالله عليكم كل اللى تدخل تقييم الموضوع لانه اجتهاد شخصى والله ومش منقول منه حرف
انا هسيبكم تردوا وهرجعلكم تانى طبعا علشان اعمل الشعار ونبدأ بمشيئة الله نتكلم سوا
والسلام عليكم ورحمة الله وبركاته
احبكم فى الله
الأحد أغسطس 29, 2010 11:00 pm