بسم الله الرحمن الرحيم
انا جايبالكوا النهارده ماسك كلمة روعة شوية عليه ومجرب وحتستغنى بيه عن حمامات الكريم اللى مليانة كيماويات
وحتستعمليه ماسك لوشك وشعرك وده باه خلاصة التجارب بتاعتى وسهر الليالى على النت فى قراية الوصفات وتجريبها
انا شعرى كان من النوع الهايش مموج جدا والله يا جماعة من بعد ما استخدمت الماسك ده نعم والهيشان قل بنسبة كبيرة جدددددا
وبقى طرى وبيلمع والتموجات اللى فيه راحت بنسبة كبيرة جدا
المكونات
3 ملاعق طحينة سمسم كبار(طبعا كلنا عارفين فوائد السمسم للشعروالبشرة)
معلقة عسل ابيض كبيرة وطبعا ده غنى عن التعريف
معلقة عسل اسود كبيرة ودى حاجة جديدة بس رووووعة للبشرة والشعر
معلقة خميرة بيرة فورية كبيرة
لبن جوز هند وده بيتباع فى السوبر ماركت بيبقى فى علب صفيح
الطريقة
حتحطى المكونات كلها على بعضها ما عدا لبن جوز الهند ونزود اللبن شويه بشوية لغاية ما يتكون ماسك فى سمك حمام الكريم كده لا تقيل ولا خفيف
بس كده اول ما تصحى الصبح تخلطى الماسك وتسيبيه شويه يتفاعل على ما تاخدى شاور حلو كده وغسلت شعرك كويس انا بستعمل الصابون المغربى بصراحة طلع
احسن من اى شامبو كان فيه واحدة كاتبة عنه فى موضوع ربنا يباركلها وتنشفى شعرك كويس وتحطى عليه الماسك ده زى ما بتحطى حمام الكريم بالضبط
وتوزعيه كويس فى الفروة والاطراف وتسيبى شوية من الماسك ده حنعمله للبشرة بس انا بضيف عليه معلقة صغيرة مرة مطحونة وعصير ليمون لو مش عايزة
هو مكوناته كفايه اوى تحطيه على بشرتك ورقبتك واى منطقة سمرا فى الجسم روعة بصراحة
وتستنى ربع ساعة كده حتلاقيه نشف تلبسى حاجة قديمة عندك مستغنيه عنها تكون مخصصاها للماسك ده
وتشتغلى فى اى حاجة ساعتين وبعد ساعتين وبعد الساعتين تشطفى شعرك ووشك من غير شامبو او صابون بكرر تانى نغسل من غير شامبو يعنى شطف بس زى حمام الكريم
بعد كده انا بدهن فروة شعرى بمزيج من زيت الذرة وزيت حبة البركة حطاهم مع بعض بالتساوى بس الفروة بس الاطراف لا علشان الزيت بيقصف الشعر
لو اتساب عليه وبقية شعرى تدهنيه بالكريم العادى بتاعك انا بستعمل براشوت بجوز الهند رووعة وتلفى شعرك لقدام وبعد ما ينشف وتفكيه اوعى تتخضى لانك حتلاقى مفاجأه
بس امانة عليكوا اللى تجربه ويعجبها تدعيلى براحة البال والستر
الأحد أغسطس 29, 2010 1:30 am